॥ दोहा ॥
जय गणेश गिरिजा सुवन, मंगल मूल सुजान।
कहत अयोध्यादास तुम, देहु अभय वरदान॥
॥ चौपाई ॥
01जय गिरिजापति दीन दयाला। सदा करत सन्तन प्रतिपाला॥
भाल चन्द्रमा सोहत नीके। कानन कुण्डल नागफनी के॥
02अंग गौर शिर गंग बहाए। मुण्डमाल तन क्षार लगाए॥
वस्त्र खाल बाघम्बर सोहे। छवि को देख नाग मन मोहे॥
03मैना मातु की हवे दुलारी। बाम अंग सोहत छवि न्यारी॥
कर त्रिशूल सोहत छवि भारी। करत सदा शत्रुन क्षयकारी॥
04नन्दि गणेश सोहै तहँ कैसे। सागर मध्य कमल है जैसे॥
कार्तिक श्याम और गणराऊ। या छवि को कहि जात न काऊ॥
05देवन जबहीं जाय पुकारा। तब ही दुःख प्रभु आप निवारा॥
किया उपद्रव तारक भारी। देवन सब मिलि तुमहिं जुहारी॥
ॐ
06तुरत षडानन आप पठायउ। लव निमेष महँ मारि गिरायउ॥
आप जलंधर असुर संहारा। सुयश तुम्हार विदित संसारा॥
07त्रिपुरासुर सन युद्ध मचाई। सबहिं कृपा कर लीन बचाई॥
किया तपहिं भागीरथ भारी। पुरब प्रतिज्ञा तासु पुरारी॥
08दानिन महं तुम सम कोउ नाहीं। सेवक स्तुति करत सदाहीं॥
वेद नाम महिमा तव गाई। अकथ अनादि भेद नहिं पाई॥
09प्रगट उदधि मन्थन में ज्वाला। जरत सुरासुर भए विहाला॥
किन्ह दया तहँ करी सहाई। नीलकण्ठ तब नाम कहाई॥
10पूजन रामचन्द्र जब कीन्हा। जीत के लंका विभीषण दीन्हा॥
सहस कमल में हो रहे धारी। कीन्ह परीक्षा तबहिं पुरारी॥
ॐ नमः शिवाय
11एक कमल प्रभु राखेउ जोई। कमल नयन पूजन चहं सोई॥
कठिन भक्ति देखी प्रभु शंकर। भए प्रसन्न दिए इच्छित वर॥
12जय जय जय अनन्त अविनाशी। करत कृपा सब के घट वासी॥
दुष्ट सकल नित मोहि सतावै। भ्रमत रहे मोहि चैन न आवै॥
13त्राहि त्राहि मैं नाथ पुकारो। येहि अवसर मोहि आन उबारो॥
लै त्रिशूल शत्रुन को मारो। संकट से मोहि आन उबारो॥
14मात-पिता भ्राता सब होई। संकट में पूछत नहिं कोई॥
स्वामी एक है आस तुम्हारी। आय हरहु प्रभु संकट भारी॥
15धन निर्धन को देत सदाहीं। जो कोई जाँचे सो फल पाहीं॥
अस्तुति केहि विधि करौं तुम्हारी। क्षमहु नाथ अब चूक हमारी॥
ॐ
16शंकर हो संकट के नाशन। मंगल कारण विघ्न विनाशन॥
योगी यति मुनि ध्यान लगावैं। शारद नारद शीश नवावैं॥
17नमो नमो जय नमो शिवाय। सुर ब्रह्मादिक पार न पाय॥
जो यह पाठ करे मन लाई। ता पर होत है शम्भु सहाई॥
18ऋनिया जो कोई हो अधिकारी। पाठ करे सो पावन हारी॥
पुत्र हीन इच्छा करे कोई। निश्चय शिव प्रसाद तेहि होई॥
19पंडित त्रयोदशी को लावे। ध्यान-पूर्वक होम करावे॥
त्रयोदशी व्रत करे हमेशा। ता के तन नहिं रहे कलेशा॥
20धूप दीप नैवेद्य चढ़ावे। शंकर सम्मुख पाठ सुनावे॥
जन्म-जन्म के पाप नसावे। अन्तवास शिवपुर में पावे॥
21कहे अयोध्यादास आस तुम्हारी। जानि सकल दुःख हरहु हमारी॥
॥ दोहा ॥
नित्त नेम कर प्रातः ही, पाठ करो चालीसा।
तुम मेरी मनोकामना, पूर्ण करो जगदीशा॥
मगसर छठि हेमन्त ऋतु, सम्वत् चौसठ जान।
अस्तुति चालीसा शिवहिं, पूर्ण कीन कल्यान॥
ॐ नमः शिव शंकराय ॐ
॥ फल: शम्भु शंकर की महिमा अपार है। जो भी भक्त श्रद्धापूर्वक प्रतिदिन शिव चालीसा का पाठ करता है उसके सभी दुःख और कष्ट दूर होते हैं। भगवान शिव की कृपा से मनोवांछित फल की प्राप्ति होती है एवं आत्मा को शांति मिलती है।
✦ LORD SHIVA ✦ DIVINE GALLERY ✦
